: لكا عامري (قصدة مغيرة)


محب الحبيب
02-09-2010, 06:16 PM
يالله ياخالـق اراضيـن وابحـار .... الواحـد المعـبـود رازق عبـيـده
الخالق الغفار علام الاسرار .... وفرق شعـوب الارض فـي كـل بيـده
وابدي واسولف من عذيبات الاشعار .... ابيات شعـر والمعانـي وكيـده
اشري وابيع واعرف كيف بختار .... واختار من جزل البيـوت الفريـده
وذكرى تراث وعز وامجـاد وافخـار .... قبائـل تومـن بديـن وعقيـده
وصلت حضارتنا على سطح الاقمار .... ابنـا العوامر والعوامر مجيـده
في ظل حكام لهم فعل واشوار .... ال السعـود اللـي تفـك الضهيـده
ارض الجنوب اللي تخيضر بالاشجار .... جزيرة فيهـا القبايـل عديـده
ارض بها العوامر وافين الاشبـار .... وياعـز منهـم بالشدايـد بسيـده
هل الطولات والجود مقدار .... اهل الكرم واهل الفعول الحميـده
وقوم مروين الاخصام الامرار .... اولاد عامر من عصـور عهيـده
العامري وافي وفي الطيب بيطار .... روحه على كـل المصاعـب صميـده
ثم اذكر الشيخ حاسن بجلال واكبار .... راعي الكرم والحكمة الزهيـده
شيخ الكرم له مواقف ومندار .... راعي الفخر راعـي العلـوم السديـده
واثني تحياتي عدد وبل الامطار .... علـى العوامر وكـل خصـم تكيـده
واذكر رجال العوامر اهل مواقيف وادوار ... تلقى العامري راسم الطيـب بيـده
هم بني عامر في المواجيب حضـار .... قـوم بوقـت الجـد قـوم عنيـده
وباقي جنوب الدار والقاف مادار .... باقي على قلبـي كـلام واشيـده
وصلوا على المرسول شفاع الابرار .... محمـد الهـادي وقـدوة عبيـده

الجرح العميق
02-09-2010, 06:32 PM
ماشاء الله كلمات فيها فخر واعتزاز بالانتماء بارك الله فيك اخي محب الحبيب ..كان ودي التنويه عن صاحب القصيده هي كذا مبهمه عموما ان كانت لك صح لسانك وان كانت لشاعر اخر صح لسانه وبارك الله فيكم
جميع كلكم على العين والراس وما فيكم قصور

صعب المنال
02-09-2010, 10:21 PM
يا رباه
الف الف الف شكرا لك
والله قصيدة روعه
قسم بالله اعجبتني
والموضوع يسحق الخمس نجوم كلها

بس ه القصيدة لك ؟!

الفارس
02-14-2010, 12:05 AM
ثم اذكر الشيخ حاسن بجلال واكبار .... راعي الكرم والحكمة الزهيـده
شيخ الكرم له مواقف ومندار .... راعي الفخر راعـي العلـوم السديـده


رحمه الله رحمة تسع الارض ومن فيها واسكنه الدرجات العلا من الجنه ونقاه من خطاياه كما ينقى الثوب الابيض من الدنس وغسله بالماء والثلج والبرد

لك من اخي محب الحبيب اجمل تحية على هذه القصيده المميزه

ســـري للغايه
02-14-2010, 11:24 AM
مشكوووووووور اخوووي محب الحبيب
بــــس القصيده مين الي كتبها.....

نـــادر
02-15-2010, 12:54 AM
مشكور على القصيدة ..

بصراحة أعجبتني كثيرا ..

بندر الزندي
02-15-2010, 09:48 PM
صح لسانك ..

قصيدة جزله و اسئل الله تعالى ان يتغمد الشيخ حاسن بواسع رحمته و جميع موتى المسلمين ..

اسد
02-25-2010, 11:06 AM
قصيدة رائعة جدا
*
ولكن اخي محب الحبيب الآخوان سألو هل انت القائل ام منقولة **** ياليت لو تجيب علينا ؟
تحياتي لك

إماراتية عامرية
06-20-2010, 11:59 AM
يسلم من قايلها